InicioEconomíaA UXT pide "accións como comité" para solucionar a "grave" situación en...

A UXT pide “accións como comité” para solucionar a “grave” situación en Muebles Hermida

O sindicato socialista acusa de oscurantismo á CIG, que convocou protestas en solitario ante os impagos de tres meses que sofre o persoal

Publicada o

- Advertisement -

Os delegados da Unión Xeral de Traballadores (UXT) en Muebles Hermida emitiron o pasado sábado un comunicado no que reclaman unidade e accións “sempre como comité” ante a “gravidade” da situación da empresa, cuxos traballadores padecen impagos das nóminas desde hai tres meses.

O sindicato socialista lémbralle a CIG, que ostenta a presidencia do comité, que “levamos moitos anos advertindo á empresa da necesidade de realizar cambios ante a mala xestión e os erros na produción. Tamén lle fixemos chegar a nosa preocupación pola entrega dos pedidos e atrasos no pago de nóminas, entre outras moitas cousas, sempre con moita claridade e contundencia”, sinala.

A UXT asegura que “levamos dous meses buscando solucións, solicitando apoios institucionais. Tiñamos concertada unha reunión co Conselleiro de Economía, Emprego e Industria da Xunta de Galicia, Javier Conde, para implicalo na procura de solucións inmediatas que se atrasou por mor das negociacións pola posible venda da empresa”.

Neste sentido, a central contesta ao sindicato nacionalista, que iniciou protestas -a vindeira será o 28 de novembro– de forma unilateral para reclamar o pago dos salarios adebedados e sostivo que se o cre oportuno “dará en solitario un paso máis cun novo e máis contundente calendario de mobilizacións“.

A ÚLTIMA REUNIÓN DO COMITÉ, O 25 DE XUÑO

A UXT sostén que a última reunión do comité -formado por dous delegados de cada central e un independente– “foi o pasado 25 de xuño, a petición nosa”, e que malia a petición realizada para manter unha reunión coa dirección de Muebles Hermida, “uns días máis tarde a CIG reuniuse de forma unilateral coa empresa“. Dese xeito, o sindicato socialista optou, afirma, por “transmitir pola súa conta aos empregados a información que nos dá a empresa”.

“Estamos dispostos a calquera tipo de acción para solucionar a grave situación que os traballadores de Muebles Hermida estamos sufrindo. Pero sempre como comité e nunca indo cada un polo seu lado”, conclúe a UXT.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...